МАСТ ЗÆРДÆЙЫ НАЛ ЦÆУЫН — тж. МАСТ РИУЫ НАЛ ЦÆУЫН Тынг мæсты кæнын; маст, æнæуынондзинад, фыдæхдзинад нал уромын. Йæ маст зæрдæйы нал цыд, æмæ Фаризæты раз йе взагыл хæцын нал бафæраздзæн. (МД. 1983. 3.) Цгъойы фыртæн дæр йæ сау маст йæ риуы нал цыдис æмæ йæ хуыдуг кодта … Фразеологический словарь иронского диалекта
МАСТ СУАДЗЫН — 1. Фæхъыггæнæгæн нæ ныббарын, æфхæрд æфхæрдæй бафидын. Амар æй (æлдары), дæ маст суадз, стæй дыл цы фæнды æрцæуæд. (Санахъоты Н. Дон – йæ бæх, калм – йæ ехс.) 2. Бирæ цæссыг фæкалын, фæкæуын. Уый кæуынæй йæ маст суагъта æмæ иннæ устыты фарсмæ… … Фразеологический словарь иронского диалекта
МАСТ АНЫХЪУЫРЫН — тж. МАСТ БАРЫН Æвзæргæнæгæн, хъыгдарæгæн ныббарын, уымæ хи ныууромын, монцты фæдыл нæ ацæуын. Проглотить злобу. Батрадзæн хъыг куыднæ уыдаид уыцы ныхас, фæлæ йæ маст аныхъуырдта. (НК.) Дзаттейæн фæтæригъæд кодтон, æцæгдæр æй Сланы фырт куы… … Фразеологический словарь иронского диалекта
МАСТ ФÆКЪÆРТТ УЫН — 1. Хи нал бауромын искæй зæрдæхалæн, фыдæнæн митæм тызмæгæй сдзурын. – Дæумæ дæр сæ хъæуы! – Йæ маст фæкъæртт Хадизæтæн æмæ бандон фелвæста. (Цæгæраты М. Хурзæрин.) 2. Скæуын … Фразеологический словарь иронского диалекта
МАСТ ХЪУЫРМÆ ССÆУЫН — тж. МАСТ ХЪУЫРМÆ СХÆЦЦÆ Фыдæхдзинад зынæй уромын; чидæр тынг смæсты. Чаша переполнилась. Къотейæн йæ маст ногæй йæ хъуырмæ стылди. (Букуылты А. Зарæг баззад цæргæйæ.) (Лексойæн) Йæ маст йæ хъуырмæ схæццæ. Æмæ мæсты дæр куыд нæ кæна, цæйдæр… … Фразеологический словарь иронского диалекта
МАСТ ÆЙ НАЛ БАФАРСТА — Монцты, миддунейы фыдæвзарæнты фæдыл ацæуын, рæдыддзинад саразын. Фæлæ ам фæрæдыдтæн, мæ маст мæ нал бафарста: нæ йын хъуыди дзурын, уыцы гæххæтты фæдыл кæй цæуын. (Букуылты А. Зарæг баззад цæргæйæ.) … Фразеологический словарь иронского диалекта
МАСТ ИГÆРЫЛ НЫППЫРХ УЫН — Хæрамдзинад нæ бауромын. Мæнæн мæ маст мæ игæрыл ныппырх ис, уый та хынджылæгыл схæцыд. (Гаглойты В. Цæмæн худынц стъалытæ.) … Фразеологический словарь иронского диалекта
МАСТ НЫХЪУЫРЫН — Искæй фыдæнæндзинад, схуыстмæ хи бауромын, ныббарын, мидхъуырдухæнты фæдыл нæ ацæуын. Подавить злобу. Цæмæн мæ бафхæрдтай уыцы æбуалгъ æфхæрдæй. Хорз, нынныхъуырдтон уыцы маст. (Беджызаты Ч. Чи кæй?) … Фразеологический словарь иронского диалекта
МАСТ ХУЫЛФЫ НАЛ ЦÆУЫН — Зæрдæйы фыдæхдзинæдтæ, хъыгдзинæдтæ нал уромын. Æлдар æнæбындурæй зайы, йæ маст йæ хуылфы нал цæуы. (Ф. 1950. 5.) … Фразеологический словарь иронского диалекта
МАСТ ХЪУЫРЫ НАЛ ЦÆУЫН — Фыдæхдзинад нал уромын. Чаша переполнилась. Нуца: Мæ файнуст Марикъо та мын мæ хъуын ацагъта. Сæ уæлхæдзары миттæ се ххуырстæн не скъæты тæккæ дуармæ фæкалын кодта. Мæ маст мæ хъуыры нал цыд, афтæмæй нырмæ уыдон хастон. (Туаты Д. Сидзæргæс.) … Фразеологический словарь иронского диалекта
